२०७७ माघ ७ गते बुधवार
२०७७ माघ ७ गते बुधवार

कन्दमूलको औषधीय गुणबारे खोज गरिँदै

काठमाडौं । २०७२ सालमा भारतले नाकाबन्दी गरेपछि धेरै मानिसहरु भारतको नाकाबन्दी बिरुद्ध आन्दोलनमा उत्रिए । नेपाल आफैंमा कुनैपनि बस्तुमा निर्भर थिएन, विशेषगरी खानेकुरामा । कसैले भूपरिवेष्ठित देशको अधिकारका मुद्दाहरु निकाले । कसैले सरकारलाई नै आत्मनिर्भर नभएको भनेर आलोचना गरे भने कसैले यसै राष्टि्रयताको एजेण्डालाई ज्वलन्त बनाए । यसमा आफूले यसको विकल्प खोज्नेतिर धेरैको ध्यान आकषिर्त भएन ।

सोही समयमा पोखराका केही व्यक्तिहरुले भने अरुलाई गाली गर्नभन्दा पनि आत्मनिर्भर कसरी बन्न सकिन्छ ? भन्ने तर्फ चिन्तन गर्न सुरु गरे । टोलीमा आधादर्जनभन्दा धेरै मानिसहरु थिए । कोही आयुर्वेद जानेका, कोही कोही कृषि विज्ञान अध्ययन गरेका त कोही रसायनशास्त्र वा जीव विज्ञान अध्ययन गरेकाहरु यो टोलीमा संलग्न थिए ।