२०७९ असोज १८ गते मङ्गलवार
२०७९ असोज १८ गते मङ्गलवार

सन्दीप र करण बने टी-२० मा वर्षकै सर्वाधिक विकेट लिने क्रिकेटर

काठमाडौं । नेपालका लेगलस्पिनर सन्दीप लामिछाने र तीव्र गतिका  करण केसी सन् २०१९ मा टी-२० क्रिकेट मा सर्वाधिक विकेट लिने खेलाडी बनेका छन् ।  उनीहरूसँगै नेदरल्यान्डका तीव्र गतिका बलर ब्रान्डम ग्लोभर पनि छन् । तीन खेलाडीले समान २८ विकेट लिएका छन् ।

सन्दीपले १६ खेलमा ५९ ओभर बलिङ गर्दै ३८४ रन खर्चिदै २८ विकेट लिएका छन् ।  डच ब्रान्डम ग्लोभरले १९ खेलमा ६५ ओभर बलिङ गर्दै ४४८ रन खर्चेर २८ विकेट लिएका छन् भने करणले १९ खेलमा ६५ ओभरमा बलिङ गर्दै कुल ४७६ रन खर्चेर २८ विकेट लिएका हुन् ।