२०७८ बैशाख ८ गते बुधवार
२०७८ बैशाख ८ गते बुधवार

इरानका उप-स्वास्थ्यमन्त्रीलाई कोरोना भाइरसको सङ्क्रमण

काठमाण्डौ,
१३ फागुन । इरानका उप-स्वास्थ्यमन्त्री इरज हरिर्चीलाई कोरोना भाइरसको सङ्क्रमण भएको पाइएको छ । मन्त्रालयका एक अधिकारीले मङ्गलबार उप-स्वास्थ्यमन्त्रीलाई कोरोना भाइरसको सङ्क्रमणको पुष्टि भएको जानकारी गराएका हुन् ।

इरानमा कोरोना भाइरसको सङ्क्रमण जटिल बन्दै गएको इरानी स्वास्थ्य मन्त्रालयका अधिकारीले बताएका छन् । इस्लामिक गणतन्त्रमा कोरोना भाइरसले ठूलो प्रकोपको रूप लिइसकेको उनले बताए ।

इरानमा उच्च अधिकारीमा कोरोना भाइरसको सङ्क्रमणको पुष्टि भएको यो पहिलो घटना हो । स्वास्थ्यमन्त्रीका सञ्चार सल्लाहकार अलिरेजा वाहबजादेहले पनि ट्वीट गर्दै स्वास्थ्यमन्त्रीलाई कोरोना सङ्क्रमण भएको पुष्टि भएको जानकारी गराएका छन् ।

वाहबजादेहका अनुसार उप-स्वास्थ्यमन्त्री इरज हरिर्चीले सरकारका प्रवक्ता अलि रबिएसँगै सोमबार गरेको पत्रकार सम्मेलनका दौरानमा पटकपटक खोक्नुभएको थियो । उहाँलाई देखिएको लक्षणको आधारमा अस्पताल पुर्याएर जाँच गर्दा कोरोना संक्रमण देखिएको हो । उहाँलाई अस्पताल भर्ना गरी उपचार सुरू गरिएको वाहबजादेहले बताएका छन् ।