२०७७ फाल्गुन १३ गते बिहिवार
२०७७ फाल्गुन १३ गते बिहिवार

विद्यालयलाई नयाँ सत्रको भर्ना नलिन मन्त्रालयको आग्रह

काठमाडौँ,
४ चैत ।
सरकारले शैक्षिक सत्र २०७७ को निम्ति तत्काल कुनै विद्यालयले नयाँ भर्ना नलिन आग्रह गरेको छ । कोरोना भाइरस (कोभिड–१९) को जोखिम तथा सन्‍त्रास बढिरहेको हुँदा चालू वर्षको परीक्षा सकिएलगत्तै भर्ना नखुलाउन शिक्षा, विज्ञान तथा प्रविधि मन्त्रालयले अपिल गरेको हो ।

विश्वव्यापी फैलिँदै गएको कोरोना भाइरसको संत्रासका कारण आवश्यक सतर्कता अपनाउन चैत ५ गतेभित्र कक्षा १ देखि ९ सम्म परीक्षा सञ्‍चालन गरिसक्न अनुरोध गरिएको थियो । शिक्षा मन्त्री गिरिराजमणि पोखरेलले आज मंगलबार अपिलपत्र जारी गर्दै यो परीक्षा समाप्त भएपछि अर्को शैक्षिक सत्र सुरु नहुन्जेलसम्म करिब तीन हप्ता देशभरका करिब ७० लाख विद्यालय जाने उमेरका बाललिकाहरु घर परिवारमा नै रहन आग्रह गरेका छन् ।

बालबालिकालाई घर बाहिर नजान, विद्यालयमा सांस्कृतिक कार्यक्रम, अभिभावक दिवस, नतिजा सार्वजनिकीकरण, प्रवेश परीक्षा वा भर्नाको नाममा भीडभाड वा आम भेला नगर्न सबैमा अनुरोध गरिएको छ ।