२०७९ जेष्ठ ६ गते शुक्रवार
२०७९ जेष्ठ ६ गते शुक्रवार

कोरोना विरुद्ध ७५ सय मास्क वितरण

देविराम कुसारी,
फुलवारी १६ चैत्र।
कोरोना भाइरस संक्रमणका बिरुद्ध दाङको तुलसीपुर उपमहानगरपालिक वडा नम्वर १३ फुलवारीमा आज मास्क वितरण गरिएको छ ।

सुरक्षा समितिका संयोजक एंव वडा अध्यक्ष डम्वर बहादुर नयौपानेको अध्यक्षतामा मास्क वितरण गरीएको समितिका सदस्य सचिव विनोद पाण्डेले जानकारी दिएका छन् । कोरोना विरुद्धको सचेतना, सरकारको लक डाउन निर्णयको अनुगमन, विदेश वाट आएकाको तथ्यांक संकलन गर्दै आएको वडाले थप कार्यक्रम अन्र्तगत मास्क वितरण गरेको सदस्य सचिव पाण्डेले जानकारी दिए ।

१३ नम्वर वडामा करिव एक दर्जन गाउँमा दुई दर्जन टोल रहेका छन् । ती प्रत्येक टोल विकासका अध्यक्षलाई मास्क वितरणको जिम्मा दिएको समितिका सदस्य हरिहर पौडेलले जानकारी दिए । स्वास्थ्य चौकी फुलवारी, ईलाका प्रहरी कार्यालय फुलवारी, अस्थाई प्रहरी पोष्ट दमारगाउँ, नेपाली सेनाको अम्बापुर व्यारेकको उपस्थितिमा सात हजार पाँच सय मास्क टोल विकास संस्थाका अध्यक्षहरुलाई जिम्मा लगाइएको हो ।

यसरी जिम्मा लगाएका माक्स आजै जनतालाई वितरण गरिएको हरियाली टोल विकास संस्था बखरीयाका अध्यक्ष नवराज रावतले बताएका छन्।