२०७९ असार १९ गते आइतवार
२०७९ असार १९ गते आइतवार

भारी बर्षाले दाङमा एक घर भत्कियो, चट्याङले एक घरमा आगलागी

दाङ,  
२३ वैशाख। दाङको घोराहीमा चट्याङ पर्दा एक घरमा आगलागी भएको छ । घोराही उपमहानगरपालिका वडा नं. ११ पलासपुर निवासी ३८ बर्षीय द्रोर्ण घर्तीको घर चट्याङ परेपछि आगलागी भएको हो ।

जिल्ला प्रहरी प्रबक्ता सुमित खड्काले घर्तीको दुइतल्ले खरले छाएको घरमा मंगलवार विहान साढे ११ बजेतिर चट्याङ पर्दा आगलागी भएको जानकारी दिए । आगलागीवाट घरमा भएको अन्तपात, लत्ताकपडा सबै जलेर नष्ट भएका छन् ।

घरमा लागेको आगो स्थानीय र प्रहरी प्रशासनको सक्रियातामा साढे १२ बजेतिर नियन्त्रणमा लिइएको डिएसपी खड्काले बताए ।

यस्तै दाङमा भारी बर्षाले गर्दा तुलसीपुर उपमहानगरपालिका वडा नं. ८ अस्वारा स्थित मोहन बिकको घर भत्किएको छ । मंगलबार हावाहुरीसंगै परेको बर्षाले घर भत्किएको प्रहरीले बताएको छ ।

घर भत्किदा घर भित्रको खाद्यान्नलगायतका सामग्रीमा क्षति पुगेको छ । बिकले मजदुरी गरेर दैनिकी चलाउँदै आएका थिए ।

-फाइल फोटो