२०७८ बैशाख १० गते शुक्रवार
२०७८ बैशाख १० गते शुक्रवार

भारतले नेपाली भूमिमा बाटो खनेपछि नेविसंघ र तरुण दलको प्रर्दशन

तुलसीपुर,  
२७ वैशाख । प्रमुख प्रतिपक्षी दल नेपाली काँग्रेसका भातृ संगठन नेपाल तरुण दल र नेपाल विद्यार्थी संघले शनिवार तुलसीपुरमा प्रर्दशन गरेका छन् । भारतले नेपालीको लिपुलेक हुँदै चीनको मानसरोवर जोड्ने सडक खण्ड निर्माण र उद्घाटन गरेपछि तरुण दल र नेविसंघले त्यसको विरोधमा ुांकेतिक प्रदर्शन गरेका हुन ।

तुलसीपुरको बीपी चोकमा नेपाल तरुण दलका दाङ जिल्ला अध्यक्ष टिका घर्तीको नेतृत्वमा भएको विरोध पर्दशन कार्यक्रममा नेविसंघका जिल्ला कोषाध्यक्ष अरुण लहरेसहित झन्डै १२ देखि १५ जना युवाहरुले प्रदर्शन गरेका थिए ।

उनीहरुले दुई तिहाई बहुमतको नेकपाको सरकारले नेपाली भूभागमा भारतले निर्माण गरेको सडक खण्ड नरोकेको भन्दै आक्रोस व्यक्तगरेका छन् । लिपुलेक हाम्रै हो, त्यो तुरुन्त फिर्ता गर, नालायक सरकार मुर्दावाद, गृहमन्त्री राजिनामा दे भन्ने जस्ता नारावाजी गरेका थिए।

आफुलाई राष्ट्रबादी भन्ने प्रधानमन्त्री केपी ओलीको राष्ट्रघाती चरित्र लिपुलेक काण्डले छताछुल्ल भएको तरुण अध्यक्ष घर्तीले दाबी गरे। उनले राष्ट्रियताको सवालमा आम देशवासी एक ढिक्का हुनुपर्ने धारणा राखे ।