तुलसीपुर,
६ असार । दाङका एक ब्यक्तिको साउदी अरेबियामा मृत्यु भएको छ । तुलसीपुर उपमहानगरपालिका –६, मोतिपुर निवासी डिल्ली बहादुर बुढाथोकीको शुक्रबार विहान ८ बजेतिर मृत्यु भएको हो ।
तुलसीपुर उपमहानगरपालिका–६ का वडा सदस्य दुजमान भण्डारीका अनुसार उनको कोठामा सुतिरहेको अबस्थामा मृत्यु भएको हो । मृतक बुढाथोकी साउदि अरेवियाको अजमेल कम्पनीमा काम गर्दै आएका थिए । उनी दमको रोगी समेत रहेको बुझिएको छ ।
त्यस्तै मृतकको शवलाई नेपाल ल्याउनको लागि दुतावाससंग कुराकानी भैरहेको वडा सदस्य भण्डारी बताए ।