नेपालगञ्ज : भेरी अस्पतालका एक डाक्टरसहित बाँकेका ९ र बर्दियाका ६ गरी १५ जनामा कोरोना संक्रमण पुष्टि भएको छ ।
मंगलबार भेरी अस्पतालको प्रयोगशालामा गरिएको परिक्षणमा भेरी अस्पतालका फिजिसियन डाक्टर सहित बाँकेका ९ र बर्दियाका ६ गरी १५ जनामा कोरोना संक्रमण पुष्टि भएको स्वास्थ्य कार्यालय बाँकेका फोकल पर्सन नरेश श्रेष्ठले जानकारी दिए ।
श्रेष्ठका अनुसार भेरी अस्पतालका एक डाक्टर, एभरेस्ट बैंकका दुई कर्मचारी, वडा प्रहरी कार्यालयका एक प्रहरी सहित बाँकेका ९ र बर्दियाका ६ जनामा कोरोना संक्रमण पुष्टि भएको हो ।
भेरी अस्पतालका फिजिसियन डाक्टर राजन पाण्डेले आफ्नो फेसबुक मार्फत आफुलाई कोरोना संक्रमण पुष्टि भएको जनाएका छन ।