वीरगन्जमा प्रहरी निरीक्षकसहित थप ५० जनामा कोरोना पुष्टि

नारायणी अस्पतालको प्रयोगशालामा शुक्रबार राति गरिएको परीक्षणमा एक प्रहरी निरीक्षकसहित थप ५० जनामा कोरोना संक्रमण पुष्टि भएको छ।

अस्पतालका प्रवक्ता डा. अतुलेश चौरसियाका अनुसार ४ सय ४३ जनाको स्वाब परीक्षण गर्दा ५० जनामा कोरोना संक्रमण पुष्टि भएको हो ।

संक्रमितमध्ये ३१ जना पर्साका, ८ जना बारा, ४ जना धनुषा, ३ जना महोत्तरी, दुई जना सर्लाही, एकरएक जना काठमाडौं र रौतहटका बासिन्दा हुन् । ५ महिलासहित १५ वर्षदेखि ५६ वर्ष उमेर समूहका ५० जनामा कोरोना संक्रमण पुष्टि भएको प्रवक्ता डा. चौरसियाले बताए । कन्ट्याक्ट ट्रेसिङको क्रममा १० जनामा कोरोना संक्रमण पुष्टि भएको हो ।