२०७८ मङ्सिर १५ गते बुधवार
२०७८ मङ्सिर १५ गते बुधवार

जेष्ठ नागरिक र बालबालिकालाई पौष्टिकजन्य खानेकुरा खुवाऔं : शाक्य

संघीय सांसद सुजिता शाक्यले कोरोनाको यो समयमा जेष्ठनागरिक र बालबालिकाहरुलाई पौष्टिक जन्य खानेकुरा खुवाउनुपर्ने बताउनु बताएकी छिन् । कोरोनाबाट बच्न रोगप्रतिरोधात्मक क्षमता बढाउने आहारा जेष्ठनागरिक र बालबालिकाहरुलाई खानेकुरा खुवाउनुपर्ने कुरामा जोड दिइन् ।

तुलसीपुर उपमहानगरपालिकाको सहयोग एवं गुरुवा र जनप्रगतिशील टोल विकास संस्थाहरुको संयोजनमा पौष्टिकजन्य सामग्री वितरण कार्यक्रममा बोल्दै यस्तो बताएकी हु्न । खाद्यान्न सामग्री वितरण गर्दै सांसद शाक्यले प्रत्येक टोल विकास संस्थाहरुको समन्वयमा कोरोना माहामारी फैरिरहेको अवस्थामा घर घरमै पुगेर वितरण गर्नुपर्ने बताए ।

तुलसीपुर उपमहानगरपालिकाका नगर प्रमुख घनश्याम पाण्डेले‘ बालबालिका र जेष्ठनागरिकहरुको रोग प्रतिरोधात्मक क्षमता बढाउनका लागि पौष्टिक जन्य खाद्यान्न सामग्री वितरण गरेको बताए । क्रमशः नगरका प्रत्येक ठाउँमा वितरण गर्ने कार्यक्रम रहेको नगरप्रमुख पाण्डेले बताए ।

गुरुवा टोल विकास संस्थाका अध्यक्ष विनयकुमार पोखरेलका अनुसार पहिलो चरणमा एक सय २६ जना बालबालिका र जेष्ठ नागरिकहरुलाई पौष्टिक जन्य खाद्यान्न सामग्री वितरण गरिएको हो ।

त्यसैगरी प्रादेशिक आयुर्वेद चिकित्साल बिजौरीको प्राविधिक सहयोगमा जेष्ठ नागरिकहरुको स्वास्थ्य चेकजाँच समेत गरिएको छ । अस्पतालका निमित्त प्रमुख डाक्टर गोकर्ण दाहालका अनुसार चेकजाँचका क्रममा नशा, जोर्नी सम्बन्धित,श्वासप्रश्वासको समस्या देखिएको छ । चेकजाँचका क्रममा रोग प्रतिरोधात्मक क्षमता बढाउने आयुर्वेदिक चूर्ण त्रिफला,गुर्जो,शताबरी वितरण गरिएको थियो । साथै ३८ जना जेष्ठ नागरिकहरुको स्वास्थ्य चेक जाँच गरिएको थियो ।

कार्यक्रममा घोराही उपमहानगरपालिकाका प्रमुख नरुलाल चौधरी, राप्ती प्रादेशिक अस्पताल तुलसीपुरका डाक्टर मदन विसी, जनता विद्यापीठका पूर्व प्राचार्य ईश्वर पोखरेल, तुलसीपुर उपमहानगरपालिका कार्यपालिका सदस्य देवराज विश्वकर्मा, बिजौरी उद्योग वाणिज्य संघका पूर्व अध्यक्ष मुकेश वली,महिला स्वयम सेविका लगायतको सहभागिता रहेको थियो ।कार्यक्रमको संयोजन तथा व्यवस्थापन गोकर्ण पौडेलले गरेका थिए । कार्यक्रममा प्रादेशिक आयुर्वेद चिकित्सालयका डाक्टर,वैद्य, नर्स सहितको टोलीले जेष्ठनागरिकको चेकजाँच गरिएको थियो ।