२०७७ असोज ४ गते आइतवार
२०७७ असोज ४ गते आइतवार

‘प्रेम गीत–३’ का निर्देशक छेतन गुरुङको निधन


चलचित्र ‘प्रेम गीत–३’का निर्देशक छेतन गुरुङको निधन भएको छ ।

लिभरमा समस्या देखिए पछि उपचाररत उनको मंगलबार विहान २ बजे मेट्रो हस्पिटल महाराजगञ्जमा ४२ वर्षको उमेरमा निधन भएको हो ।

उपचारको क्रममा नै उनको निधन भएको ‘प्रेम गीत’ निर्माता सन्तोष सेनले जानकारी दिए । “उहाँलाई एकमहिना देखि लिभरको समस्याले अलि धेरै सताएको थियो । तर उपचारकै क्रममा उहाँले हामीलाई छाडेर जानु भयो,” सन्तोषले भने ।

‘डम्बरुको डन्डिबियो’बाट निर्देशन सुरू गरेका उनले डायरी, नोभेम्बर रेन, क्लासिक, ए मेरो हजुर–३’ चलचित्र लेखेका थिए ।

कोरोनाका कारण उनको लेखन तथा निर्देशन रहेको चलचित्र ‘प्रेम गीत–३’ रिलिज भएको छैन । छेतन सन्तोष सेनसँग मिलेर ‘हु।तु।तु।’ चलचित्र निर्देशनको तयारीमा थिए ।