२०७९ असोज १९ गते बुधवार
२०७९ असोज १९ गते बुधवार

‘हजुरको मास्क खोई ?’

लियो क्लव अफ दाङ तुलसीपुरले तुलसीपुरका विभिन्न स्थानमा ‘हजुरको मास्क खोई ?’ नामक कोरोना भाईरस सम्वन्धि जनचेतनामूलक व्यानर टाँसेको छ । विश्वभर महामारीको रुपमा फैलिएको कोरोना भाईरसबाट बच्न अनिवार्य मास्क प्रयोग गर्नुपर्छ भन्ने सन्देश दिन लियो क्लव अफ दाङ तुलसीपुरले जनचेतनामूलक व्यानर टाँसेको हो ।

बजारमा आउने कतिपय मानिसले मास्क प्रयोग नगरेर हिड्ने भएकाले उनिहरुलाई सचेत बनाउन ‘हजुरको मास्क खोई ?’ सचेतनामुलक व्यानर तुलसीपुरका विभिन्न ८ मुख्य-मुख्य स्थानमा टाँसेको लियो क्लव अफ दाङ तुलसीपुरका अध्यक्ष सन्तोष केसीले जानकारी दिनुभयो । तुलसीपुरका मुख्य-मुख्य चौक, प्रहरी विट लगायतका स्थानमा सो व्यानर टाँसेर सबैलाई कोभिड (१९) बच्न मास्क अनिवार्य प्रयोग गर्नुपर्छ भन्ने सन्देश दिन खोजेको अध्यक्ष केसीले बताउनुभयो ।

कोरोना भाईरसबाट बच्न विभिन्न सचेतनामूलक कार्यक्रम, मास्क वितरण लगायत कोरोना भाईरस सम्वन्धि विभिन्न किसिमका कार्यक्रम गर्दै आएको अध्यक्ष केसीको भनाई छ ।