२०७९ असोज १९ गते बुधवार
२०७९ असोज १९ गते बुधवार

रवि लामिछानेको जन्मोत्सवमा स्वास्थ्य सामाग्री वितरण गरिदै

सिधाकुरा जनतासँगका सञ्चालक तथा चर्चित पत्रकार रवि लामिछानेको जन्मोत्सवको अवसरमा आज दाङका विभिन्न स्थानमा स्वास्थ्य सामाग्री वितरण गरिने भएको छ ।

विभिन्न सामाजसेवी तथा सहयोगीमनहरुको सहयोगमा कोरोना भाईरसको महामारीको नियन्त्रण र रोकथामका लागि अग्रणी भुमिका खेलेका विभिन्न संघ संस्थाहरुलाई स्वास्थ्य सामाग्री वितरण गर्न लागेको विमल खड्काले जानकारी दिनुभयो ।

यसका लागि तुलसीपुर उद्योग वाणिज्यका सचिव विनिल केसीले सेनिटाईजर, तुलसीपुरका समाजसेवी तथा युवा व्यवसायी ललितजङग शाहले सेनिटाइजर, नेपाली काङग्रेस क्षेत्र नं ३ का उपसभापति प्रमोद बस्नेतले पञ्जा, तुलसीपुर ५ का वडा अध्यक्ष विरेन्द्र शाहले २५० थान मास्क, शान्तिनगर २ का गणेश कुमार  रेग्मीले २५० थान मास्क, गणेश रेग्मीले २०० थान मास्क, तरुण नेता सुनिलबाबु डाँगीले १०० थान मास्क सहयोग गरेको र सो मास्क तथा सेनिटाईजर विभिन्न संघ सस्थालाई हस्तान्तरण गर्ने कार्यक्रम रहेको खड्काले बताउनुभयो ।