२०७८ मङ्सिर ४ गते शनिवार
२०७८ मङ्सिर ४ गते शनिवार

शिवालिकको अध्यक्षमा श्रेष्ठ

तुलसीपुरमा संचालित शिवालिक बचत तथा ऋण सहकारी संस्था लिमिटेडको शनिवार सम्पन्न १४औं साधारणसभाले अनुप कुमार श्रेष्ठको अध्यक्षतामा सर्वसम्मत रुपमा नयाँ संचालक समिति चयन गरेको छ ।

साधारणसभाले उपाध्यक्षमा देव वहादुर केसी, सचिवमा तुफानबाबु श्रेष्ठ र कोषाध्यक्षमा खुम बहादुर न्यौपानेलाई सर्वसम्मत रुपमा चयन गरेको हो । त्यसैगरी साधारणसभाले शोभा गौतम, वेणु अधिकारी, विष्णु खत्री, शरण थापा र डम्वर विसिलाई संचालक समितिको सदस्यमा चयन गरेको हो । त्यसैगरी लेखासमिति संयोजकमा धन बहादुर बुढाथोकी र ऋण उपसमिति संयोजकमा श्याम घलेलाइ चयन गरिएको हो ।

संस्थाका अध्यक्ष विजय केसीको अध्यक्षता तथा तुलसीपुर उपमहानगरपालिका वडा नम्बर ७ का अध्यक्ष टोप वहादुर केसीको प्रमुख आतिथ्यमा संपन्न साधारणसभामा उत्कृष्ट ऋणिहरुका तर्फबाट लिलाधर शर्मा र टिका पाण्डेलाई सम्मानित गरिएको थियो । अनुपकुमार श्रेष्ठको स्वागत मन्तव्यबाट सुरु भएको साधारणसभामा सचिवको प्रतिवेदन देव वहादुर केसी र कोषाध्यक्षको प्रतिवेदन तुफानबाबु श्रेष्ठले प्रस्तुत गरेका थिए ।