२०७८ साउन १२ गते मङ्गलवार
२०७८ साउन १२ गते मङ्गलवार

खानीखोला भिरबाट खस्दा प्युठानमा एकको मृत्यु

फाइल तस्वीर ।

प्युठानमा भिरबाट खसेर एक जना व्यक्तिको मृत्यु भएको छ ।

जिल्लाको प्युठान नगरपालिका वडा नं ९ ददेरीका ३६ वर्षीय विष्णुबहादुर खत्रीको सोही ठाउँको खानीखोला भिरबाट झण्डै एक सय ५० मिटर तल खस्दा मृत्यु भएको हो ।

शुक्रवार बिहान ८ बजे मृत अवस्थामा खत्री भेटिएको जिल्ला प्रहरी कार्यालय प्युठानका सूचना अधिकारी प्रहरी निरीक्षक पोषण ढकालले बताउनुभयो ।

मृत अवस्थामा भेटिनुभएका खत्री विहिवार भाईको घरमा मृत्यु संस्कारमा गई राती घरमा फर्र्किएको बुझिएको प्रहरीले जनाएको छ ।

तर खत्री राती घरमा नगएपछि परिवारले शुक्रवार बिहान खोज्ने क्रममा मृत अवस्थामा भेटेको थियो ।