२०७८ साउन १८ गते सोमवार
२०७८ साउन १८ गते सोमवार

प्युठान अस्पतालमा ओपिडी सेवा अनिश्चितकालका लागि बन्द

प्यूठान अस्पतालमा कार्यरत डाक्टर तथा कर्मचारीहरुलाई कोरोना संक्रमण पुष्टि भएपछि अस्पतालको ओपिडी सेवा अनिश्चितकालका लागि बन्द गरिएको छ ।

अस्पतालमा कार्यरत चार जना डाक्टर, एक जना ईमरजेन्सीमा कार्यरत कर्मचारी र एक जना सवारी चालकलाई कोरोना संक्रमण पुष्टि भएपछि ओपिडी सेवा अनिश्चितकालका लागि बन्द गरिएको प्यूठान अस्पतालका अस्पताल व्यवस्थापन अधिकृत राजन घिमिरेले जानकारी दिए ।

अस्पतालबाट प्रदान गरिने ओपिडी अन्तर्गतका फिजियोथेरापी, डेन्टललगायतका सम्पुर्ण सेवाहरु अर्को सूचना जारी नहुँदा सम्मकालागी बन्द गरिएको घिमिरेले जानकारी दिए । ईमरजेन्सी तथा प्रसुती सेवा भने संचालनमा रहने उनले बताए ।

उनका अनुसार अहिले अस्पतालका चार डाक्टर, एक कर्मचारी र एक सवारी चालक गरी ६ जना आइसोलेसममा रहेका छन । यसअघि अस्पतालका ५ जना स्टाफनर्स संक्रमित भइ उपचार पश्चात् निको भैसकेको घिमिरेले बताए ।