चिकित्सकलगायत अस्पतालका धेरैजना कर्मचारी कोभिड–१९ बाट संक्रमित भएपछि भैरहवास्थित भीम अस्पतालमा ओपीडि सेवा बन्द गरिएको छ ।
अस्पतालका सूचना अधिृकत डा. नारायण पोखरेलले चिकित्सकलगायत ११ जना कर्मचारी संक्रमित भएपछि काम गर्ने जनशक्तिको अभाव हुन थालेकाले ओपीडी सेवा बन्द गर्नु परेको बताए ।
उनका अनुसार ओपीडी सेवा बन्द गर्ने निर्णय अस्पताल प्रशासनले आइतबार गरेअनुरुप सोमबारदेखि कार्यान्वयन भएको हो ।
ओपीडी सेवा दसैंसम्मका लागि बन्द गरिएको हो ।
प्रसूती सेवा, आकस्मिक कक्ष, ड्रेसीङ, इन्जेक्सनको सेवा भने बन्द हुने छैन । कोरोना अस्पतालतर्फको सेवा पनि खुला छ । भीम अस्पतालमा हिजोआज दैनिक सरदर १ सय ५० जना बिरामीले ओपिडी सेवा लिने गरेका छन् ।