२०७८ साउन १६ गते शनिवार
२०७८ साउन १६ गते शनिवार

विश्व साईकिल यात्री पुस्कर शाहको टिम दाङमा

कोभिड –१९ का कारण कमजोर बनेको आन्तरिक पर्यटनलाई माथि उठाउने उदेश्यले बिश्वसाईकल यात्रीको रेकर्ड राखेका पुस्कर शाहको १३ सदस्यीय साईकल यात्री टिम दाङमा आाएको छ ।

स्वस्थ्य र सुरक्षीत हुन सके कोरोना संक्रमणबाट सुरक्षित हुन सक्ने र पर्यटन प्रर्बद्धन गर्न सकिने सन्देश दिन सुदुरपश्चिमको महाकालीबाट पूर्बी नेपालको ईलाम पुग्ने शाहले बताउनुभयो । दाङमा गरिएको स्वागत कार्यक्रममा बोल्नुहुदै शाहले साईकिल यात्रा शुरु गरेको ५ औ दिन दाङको तुलसीपुरमा आईपुगेको र पुर्बी नेपालको ईलाम सम्प पुग्दा २४ जिल्लामा आन्तरिक पर्यटन प्रर्बद्धनको सन्देश दिने बताउनुभयो । २२ दिने साईकल यात्रको लागि नेपाल पर्यटन बोर्डले पर्यटन प्रर्बद्धनका लागि सहयोग गरेको जानकारी दिनुभयो । कोरोनाका कारण सबैभन्दा बढी होटलहरु मारमा परेको उहाँले बताउनुभयो ।

‘होटल करिव करिव सुनासान झै छन् । अव लुकेर डराएर हुदैन, कोरोनासँग सुरक्षित भएर पर्यटन प्रर्बद्धन गर्नुपर्छ,’ उहाँले भन्नुभयो ।
महाकालीबाट दाङ प्रबेश गरेका शाह नेतृत्वको टोलीलाई दाङका साईकिलष्टहरुको युवा समूहले शनिबार दाङ र बाँकेको सीमाबर्ती अमिलियामा स्वागत गरेका रेश्मीराज अधिकारीले जानकारी दिनुभयो । आज बिहान तुलसीपुर प्रबेश गरेको शाहको टोलीलाई तुलसीपुर स्थीत मिलिनियम फेन्सीका प्रोपाईटर बिनोद श्रेष्ठले खादा ओढाई सम्मान गर्नुभएको थियो ।

शाहीको नेतृत्वको साईकल यात्री टोली आजै घोराही हुँदै धार्मीक स्थल स्वर्गद्धारी जाने र उतैबाट पूर्बी नेपाल प्रस्थान गर्ने बुझिएको छ ।