गणेशपुर पार्क नजिकै ‘द जंगल रेष्ट्रो’

दाङ तुलसीपुरका तीन जना युवाले पर्यटकिय स्थल राप्ति शान्ति उद्यान (गनेशपुर पार्क) नजिकै सामुहिक लगानीमा ‘द जंगल रेष्ट्रो एण्ड बार’ संचालनमा ल्याएका छन् । तुलसीपुर उपमहानगरपालिका वडा नम्बर ७ निवासी प्रभात भण्डारी, प्रकास भण्डारी र अमर रिजालको संयुक्त लगानीमा द जंगल रेष्ट्रो एण्ड बार संचालनमा आएको हो ।

करिब ५५ लाखको लागतमा रेष्टुरेण्ट संचालनमा आएको संचालक प्रभात भण्डारीले जानकारी दिए । रेष्ट्रोमा अहिले प्रत्यक्षरुपमा सात जनाले रोजगारी पाएका छन् ।

यसैबिच रेष्टुरेण्टको शुक्रबावर उद्घाटन गरिएको छ । रेष्टुरेण्टको उद्घाटन गर्दै तुलसीपुर उपमहानगरपालिका वडा नम्बर ७ का अध्यक्ष टोपबहादुर केसीले रेष्टुरेण्टले स्थानीय उत्पादनको प्रवद्र्धन गर्ने विश्वास व्यक्त गरे ।

संचालक अमर रिजालको अध्यक्षता तथा वडा अध्यक्ष केसीको प्रमुख आतिथ्यता एवं तुलसीपुर उद्योग वाणिज्य संघका सदस्य हेमराज गौतमको विशिष्ठ आतिथ्यतामा उद्घाटन कार्यक्रम भएको हो । कार्यक्रमको सहजीकरण पत्रकार बसन्त पौडेलले गरेका थिए ।