तुलसीपुरमा भएको अटो दुर्घटनामा शान्तिनगरका विकको मृत्यु

फाइल तस्वीर ।

तुलसीपुरमा भएको दुर्घटनामा परेर घाइते भएका अटो चालकको मृत्युको छ ।

मृत्यु हुनेमा अटो चालक शान्तिनगर गाउँपालिका १ पेदीखोला निबासी ३० बर्षका रेशम विक रहेको ईलाका प्रहरी कार्यालय तुलसीपुरका डिएसपी शिवबहादुर सिंहले जानकरी दिनुभयो ।

तुलसीपुरबाट पश्चिम तर्फ गइरहेको रा१ह ४३३६ नम्बरको यात्रुबाहक अटो र विपरित दिशाबाट आइरहेको रा१ज ५०८ नम्बरको जीप सोमबार दिउँसो सवा ३ बजे तुलसीपुर–८ चमीखोलामा एकआपसमा ठोक्किदा दुर्घटना अटो चालक विक सहित ५ जना घाइते भएका थिए ।

विकको राप्ती प्रादेशिक अस्पताल तुलसीपुरमा सामान्य उपचारपछि थप उपचारका लागि कोहलपुर लग्दै गर्दा बाटोमै मृत्यु भएको थियो ।