२०८० चैत्र ६ गते मङ्गलवार
२०८० चैत्र ६ गते मङ्गलवार

प्रधानमन्त्री ओली आज गृह जिल्ला झापा जाँदै

प्रधानमन्त्री केपी शर्मा ओली आज गृह जिल्ला झापा जाँदै छन्।

प्रधानमन्त्री ओली दिनभर दमक र कमलमा हुने कार्यक्रममा सहभागी हुने तालिका छ।

दमक र कमलमा प्रधानमन्त्रीले विभिन्न योजनाको शिलान्यास र उद्घाटन गर्ने छन्।

दमक र चुलाचुली जोड्ने रतुवा नदीमा मदन भण्डारी मार्गमा पर्ने पुलको शिलान्यास गर्ने कार्यक्रम छ।

यस्तै गौरादह, दमक र कमलमा २ हजार २ सय विगाहमा बन्ने चाइना नेपाल फ्रेन्डसीप इन्डस्ट्रियल पार्कको पनि प्रधानमन्त्रीले शिलान्यास गर्ने छन्।

दमक १ बाट चुलाचुली जोड्ने रतुवा नदीमा निर्मित पुल, दमक ४ बाट उर्लाबारीको आमबारी जोड्ने मावा पुल, दमक १० बाट बालुवथान जोड्ने रतुवामा निर्मित पुलको उद्घाटन गर्ने कार्यक्रम रहेको छ।

कार्यक्रम सकेर प्रधानमन्त्री आजै काठमाडौँ फर्कने तयारी छ।