२०७८ जेष्ठ ३ गते सोमवार
२०७८ जेष्ठ ३ गते सोमवार

तेस्रो चरणमा दाङमा ६४ हजारलाई कोरोना खोप लगाईंदै

दाङमा तेस्रो चरणमा साढे ६४ हजार नागरिकहरुलाई कोरोना भाइरस बिरुद्धको खोप लगाउने तयारी भएको छ । स्वास्थ्य कार्यालय दाङले आज जनप्रतिनिधी, सुरक्षा निकाय र पत्रकारहरु सँग छलफल कार्यक्रमको आयोजना गरि यही फागुन २३ गते देखी तेस्रो चरणको खोप अभियान सुरु गर्ने जानकारी दिएको हो ।

जस अनुसार घोराहीमा १७ हजार ८ सय १९, तुलसीपुरमा १६ हजार एक सय ८४, राप्तीमा ५ हजार ४ सय ३५, लमहीमा ४ हजार ८ सय ६६ र बंगलाचुलीमा ३ हजार ९ सय ९५ जनालाई खोप लगाउने लक्ष्य लिईएको स्वास्थ्य कार्यालयका प्रमुख अंगदबहादुर शाहीले जानकारी दिनुभयो । त्यसैगरी, शान्तिनगरमा ३ हजार ७ सय ७६, बबईमा ३ हजार ४ सय ८१, गढवामा ३ हजार ४ सय २९, राजपुरमा २ हजार ९ सय ५ र दंगिशरणमा २ हजार ६ सय ८७ जनालाई खोप लगाउने गरी तयारी थालिएको उहाँको भनाई छ ।

पहिलो र दोस्रो चरणमा ७ हजार ८ सय ७९ बढीले कोरोना बिरुद्धको खोप लगाएका थिए । तेस्रो चरणमा ५५ बर्ष भन्दा माथीका व्यक्तिहरु र विद्यालयका शिक्षकहरुलाई खोप दिईने छ । यस अघि स्वास्थ्यकर्मी, सुरक्षाकर्मी, जनप्रतिनिधी, कैदीबन्दी, स्वास्थ्य स्वयसेविका, कर्मचारी, पत्रकार र बैंकका कर्मचारीहरुले खोप लगाएका थिए ।