२०८१ असार २९ गते शुक्रवार
२०८१ असार २९ गते शुक्रवार

नेपाल पत्रकार महासंघ दाङको निर्वाचनका लागि उम्मेदवारी दर्ता

नेपाल पत्रकार महासंघ दाङको आसन्न निर्वाचनका लागि दुईवटा प्यानलले आज उम्मेदवारी दर्ता गराएका छन् ।
प्रेस संगठन, प्रेस युनियन र प्रगतिशिल पत्रकार संघबाट लक्ष्मी आचार्यको समूह र प्रेस चौतारीको तर्फबाट दुर्गालाल केसीको नेतृत्वको प्यानलले उम्मेदवारी दर्ता गराएको निर्वाचन समितिले जनाएको छ । २१ सदस्यीय कार्य समितिमा ४२ जनाको उमेद्वारी परेको छ ।

लक्ष्मी आचार्यको समूहको संयुक्त गठबन्धनको उपाध्यक्षमा सन्तोष सुबेदी र बसुन्धरा गौतम, सचिबमा आरके सीतल, सह–सचिबमा राकेश बस्नेत तथा देवि भण्डारी र कोषाध्यक्ष शरद रेग्मीको उम्मेदवारी दर्ता भएको छ । यस्तै सदस्यहरुमा सन्तोष केसी, प्रेम तिवारी, अन्जना चौधरी, यमकला भुसाल, सरीता चौधरी, शिबराज खनाल, दुःखहरण यादब, कुलदिप न्यौपाने, गिरीराज नेपाली, जीवन नेपाली, दिपक बोहरा, उदय बिसी र बिबेक खड्काको उम्मेदवारी परेको छ ।

दुर्गालाला केसीको समूहबाट उपाध्यक्षमा ओपेन्द्र बस्नेत र रन्जीता शर्मा, सचिवमा गोकर्ण पौडेल, सह सचिवमा दिप्तीशिखा चौधरी र दशरथ घिमिरे, कोषाध्यक्षमा प्रेम बिबस घर्तीको उम्मेदवारी दर्ता भएको छ । सदस्यहरुमा मिना बिश्वकर्मा, लक्ष्मण बिश्वकर्मा, नविनकुमार चौधरी, सन्तोषकुमार गुप्ता, शिब घर्ती, ऋषि यादब, एकराज भण्डारी, कमल ओली, विष्णु आर्ट, माधब कँडेल, दिपक जिएम, लक्ष्मण बस्नेत, शुनिलकुमार पोख्रेलको उमेद्वारी परेको छ । स्वतन्त्रबाट आभाष बुढाथोकीले सदस्यमा उम्मेद्वारी दर्ता गराउनुभएको छ ।

यसैगरी ७ जना राष्ट्रिय परिषद सदस्यमा १४ जना र १७ जना प्रदेश परिषद् सदस्यमा ३४ जनाको उम्मेदवारी परेको छ । पत्रकार महासंघ दाङको नयाँ नेतृत्वका लागि यही चैत्र २५ गते निर्बाचन हुदैँछ । दुई प्यानलको कडा चुनावी प्रतिष्पर्दा हुने देखिएको छ ।