रोल्पा भिषण आगलागी, ४० घरगोठ जलेर नष्ट

फाइल तस्वीर

रोल्पाको त्रिवेणी गाउँपालिका २ मा भिषण आगलागी भएको छ । जंगलमा लागेको आगो मंगलबार दिउँसो मानव बस्तीमा फैलिदा वडाको अधिकांस मानव बस्तीमा आगलागी हुदा ४० घरगोठ जलेर नष्ट भएका भएका छन् । वडाको नुवावाङ, धनवाङ, बर्तिवाङ, रामपुर लगाएतका मानव बस्तीमा आगलागी भएको गाउँपालिकाका अध्यक्ष सन्त बहादुर वलीले जानकारी दिए ।

उनका अनुसार आगलागीबाट २१ वटा घर र १९ वटा गोठ गरी ४० घरगोठ जलेर नष्ट भएका छन् । जंगलमा लागेको आगो स्थानियहरुले सोमबारदेखि नियन्त्रणमा लिने प्रयास गरेपनि मंगलबार हावाहुरीको तिव्र गतिका कारण मानव बस्तीमा पस्दा घरगोठ जलेर नष्ट हुनुको साथै दर्जन बढि पशुचौपाया समेत मरेको अध्यक्ष वलीले बताए ।