२०८१ असार २९ गते शुक्रवार
२०८१ असार २९ गते शुक्रवार

तुलसीपुरमा ५० बेडको अक्सिजन सहितको आइसोलेसन सेन्टर निर्माण

कोरोना संक्रमित विरामीको उपचारकालागि तुलसीपुरमा ५० बेडको अक्सिजन सहितको आइसोलेसन सेन्टर निर्माण गर्नेकाम अन्तिम चरणमा पुगेको छ ।
तुलसीपुरको भिमसेन शहरी स्वास्थ्य प्रवद्र्धन केन्द्र (मेट्रो हस्पिटल) मा निर्माण गर्न लागिएको ५० बेडको अक्सिजन सहितको आइसोलेसन सेन्टरको काम अन्तिम चरणमा पुगेको जनाइएको छ । तुलसीपुर उपमहानगरपालिका–८ अश्वारा स्थित मेट्रो हस्पिटलमा अक्सिजन सहितको आइसोलेसन सेन्टर बनाउने काम अन्तिम चरणमा पुगेको तुलसीपुर उपमहानगरपालिका स्वास्थ्य महाशाखा प्रमुख ओमपी न्यौपानेले जानकारी दिनुभयो ।
शाखा प्रमुख न्यौपानेका अनुसार अबको दुईदिनभित्र आइसोलेसन संचालनमा आउने छ ।

त्यहाँ अहिले विद्युत, धारा जडान, वाइरीङ, डाक्टर तथा नर्सका लागि आवास, चेन्जिङ रुम र शौचालयको निर्माण कार्य सम्पन्न भएको छ । शनिबार र आइतबारसम्म अक्सिजन र बेडको व्यवस्था गरिसक्ने शाखा प्रमुख न्यौपानेले जानकारी दिनुभयो ।
अक्सिजनको अभावमा कोरोना संक्रमितको ज्यान जोखिममा पर्ने भएकाले बचाउनका लागि अक्सिजन सहितको आइसोलेसन बनाउन थालिएको तुलसीपुर उपमहानगरपालिका प्रमुख घनश्याम पाण्डेले जानकरी दिनुभयो । आइसोलेसन सेन्टरको अनुगमण गर्दै नगर प्रमुख पाण्डेले छिटो निर्माण गरी कोरोना संक्रमितको उपचारलाई प्रभावकारी बनाउन निर्देशन समेत दिनुभयो ।