२०८१ साउन ६ गते आइतवार
२०८१ साउन ६ गते आइतवार

नेपालगञ्जमा दीप प्रज्वलन


नयाँ भेरियन्टसहितको कोरोना संक्रमण भयावह बनेपछि बाँकेमा दीप प्रज्वलन गरिएको छ। कोरोना संक्रमितको शिघ्र स्वास्थ्यलाभका साथै अग्रपंक्तिमा खटिएका स्वास्थ्यकर्मी लगायत सबैको मनोवल बढाउन तथा महामारीमा दिवंगतहरुको आत्माको शान्तिका लागि दीप प्रज्वलन गरिएको हो।
नेपालगन्जवासीले बिहीबार बेलुकी ७ बजेर ३० मिनेटदेखि ८ बजेसम्म आ–आफ्नो घरमा दीप प्रज्वलन गरेका हुन्। दीप प्रज्वलनका लागि पत्रकार एवम् अभियन्ता जयनारायण शाहले नेपालगन्जवासीलाई सार्वजनिक रुपमा आब्हान गरेका थिए। यसअघि बुधबार पनि शाहकै अग्रसरतामा बाँकेका विभिन्न धर्मका धर्मगुरुले आ–आफ्ना धार्मिक स्थलमा एकै समयमा पूजापाठ गरेका थिए। धर्मगुरुले बुधबार बेलुकी ४ बजेर ३० मिनेटदेखि ५ बजेसम्म आ–आफ्ना धार्मिक स्थलमा विशेष पूजापाठ गरेका हुन्।