२०८० साउन १७ गते बुधवार
२०८० साउन १७ गते बुधवार

बाख्रा चराउन गएका एक किशोरको तालमा डुबेर ज्यान गयो

सांकेतिक तस्वीर ।

घरबाट बाख्रा चराउन गएका एक किशोरको तालमा डुबेर ज्यान गएको छ । शनिबार रुकुम पश्चिमको सानिभेरी गाउँपालिका – ११ पेदिखोलाका १५ वर्षीय रुपलाल खड्काको तालमा डुबेर ज्यान गएको प्रहरीले जनाएको छ ।

सिम्ली खोलाको अधेरे भन्ने स्थानमा रहेको तालमा पौडी खेल्ने क्रममा उनको ज्यान गएको आफन्तले जानकारी दिएका छन् । उनी गाउँकै एक सरकारी विद्यालयमा कक्षा ८ मा अध्ययनरत थिए ।

मृतक रुपलाल तालमा पौडी खेल्न गएको र धेरै समयसम्म बाहिर नआएपछि उनीसँगै गएका साथीले आफन्तलाई खबर गरेका थिए । आफन्त गएर तालबाट मृतकको शव निकालिएको छ ।