तरुण नेता खड्काद्धारा निशुल्क अटो एम्बुलेन्स सञ्चालन

पश्चिमदाङका तरुण दलका एक युवा नेताले विरामी बोक्न निशुल्क अटो एम्बुलेन्स सञ्चालन गरेका छन् । तरुण दल बबई – २ का अध्यक्ष घमण्ड खड्काले वडा भित्रका गरिव तथा अशक्त विरामीका लागि निशुल्क अटो एम्बुलेन्स सञ्चालनमा लिएका हुन् । आर्थिक अभावमा विरामी भएर घरमै छटपटाएर बसेका गरिब तथा अशक्तहरुलाई बबईको आइसोलेसन तथा हापुरे सम्म पु¥याउनका लागि रा १ ह ५०६७ नम्बरको निशुल्क अटो एम्बुलेन्स संचालन गरेको अध्यक्ष खड्काले बताए ।

कोरोना महामारी बेलामा कसैलाई समस्या नपरोस भन्ने उद्येश्यले यस्तो कार्य गरेको उनको भनाई छ । कोरोना महामारीले सर्वसाधारण आजित भइरहेको बेलामा सबै जना मानविय सेवा लाग्नु पर्ने उनले बताए । स्वास्थ्य सुरक्षाको मापदण्ड पुरा तथा सामाजिक दुरी कायम गरेर उच्च मनोबल साथ घरमै बसी कोरोनाबाट सुरक्षित रहन सबैमा खड्काले आग्रह गरे । बबई गाउँपालिका वडा नं. २ भित्र कसैलाई समस्या परे ९८१२८८२९८९ र चालक नम्बर ९८०९७२५९०३ मा सम्पर्क गर्न आग्रह गरिएको छ ।