दुबै मृगाैला फेल मनमायालाई सहयाेग रकम प्रदान गरे क्षेत्रीले

दुबै मृगाैला फेल भएकी एक महिलालाई युवा नेता तथा सामाजिक अभियान्ता झुपु क्षेत्रीले घरमै गएर सहयाेग रकम प्रदान गरेका छन् ।
बबई गाउँपालिका वडा नं ५ हुरुम निवासी दुबै मृगाैला फेल भएकी २५ बर्षिया मनमाया कुमाललाई नगद १५ हजार २ सय रूपैयाँ सहयाेग रकम प्रदान गरेका हुन । छहरा अनलाइनका अध्यक्ष समेत रहेका क्षेत्रीले अति विपन्न परिवार भएकी कुमाललाई विभिन्न सहयाेगीदाताले पठाएकाे जम्मा गरि साे रकम प्रदान गरेका हुन् ।
सासुकाे क्यान्सरका कारण केही अगाडि मृत्यु भएकाे थियाे । सासुकाे उपचार गराउदा गराउदै सबै जग्गा जमिन पनि सकेका कुमाल परिवारले सहयाेगकाे आशामा आफुलाई फाेन गरेकाले सहयाेगीदाताबाट साे रकम जम्मा गरेर दिएकाे सामाजिक अभियान्ता क्षेत्रीले बताए ।
काेराेनाकाे महामारीमा पनि दुबै मृगाैला फेल भएकी मनमायाका लागि बबई २ घर भई हाल मलिसिया बस्ने रोशन केसीले रु ५०००, बबई ४ घर भई हाल दुबई बस्ने प्रज्ञाले रु ५०००, बबई ५ घर भई हाल मलेसिया बस्ने टेक ब खड़का ले २२००, हाल जापान बस्ने नाम एक युवकले रु ३००० गरी जम्मा रु १५२०० रूपैया उनलाई प्रदान गरिएकाे थियाे । सहयोग गर्न चाहानेले दुबै मृगाैला पिडित मनमायाकाे नम्बर ९८२२४९०९२४ मा सम्पर्क गरि सहयाेग गरिदिन कुमाल परिवारले सबैमा आग्रह गरेकाे छ ।