तुलसीपुरमा जेसिज मैत्रीपुर्ण ब्याटमिन्टन प्रतियोगिता सम्पन्न

तुलसीपुरनगर जेसिजले तुलसीपुरमा जेसिज मैत्रीपुर्ण ब्याटमिन्टन प्रतियोगिता सम्पन्न गरेको छ । तुलसीपुरनगर जेसिजका अध्यक्ष जेसि नेत्रलाल भट्टराई (नारायण) को अध्यक्षता तथा तुलसीपुर उपमहानगरपालिका वडा नं. ८ का अध्यक्ष बेद बहादुर केसीको प्रमुख आथित्यमा सो प्रतियोगिता सम्पन्न भएको हो ।

शान्तिदिप बोर्डिङ स्कुल तुलसीपुर–८ दुधेना स्थित रहेको ब्याटमिन्टन कोर्टमा भएको ९ टिमको खेलमा प्रथम जेसि मेघराज घिमिरे र जेसि सनद देवकोटाको टिम, दित्तिय जेसि बिनोद न्यौपाने र जेसि बुद्धिराज सापकोटाको टिम र तृतीय स्थान जेसि कृष्ण पोख्रेल र जेसि कमल प्रकाश शर्मा र शान्त्वना तर्फ जेसि मान बहादुर बस्नेत र जेसि मेघराज पोख्रेलको टिम विजय भएका छन् ।

नेपाल जेसिज बर्ष २०२१ का बोर्ड सल्लाहकार तथा तुलसीपुरनगर जेसिजका पुर्वअध्यक्ष जेसि मेघराज घिमिरे, शान्तिदिप बोर्डिङ स्कुलका प्राचार्य गोबिन्द बहादुर शाह, शान्तिदिप ब्याटमेन्टन कोर्ड निर्माण समितीका अध्यक्ष जगत बहादुर शाह, अमृतपुर खानेपानी संस्थाका कोषाध्यक्ष जित बहादुर खडका, तुलसीपुरनगर जेसिजका पुर्व अध्यक्ष जेसि सुर्य प्रसाद शर्मा, पुर्व अध्यक्ष जेसि दिपेश भण्डारी, पुर्व अध्यक्ष जेसि बिमल कुमार पौडेल लगाएतको सहभागिता रहेको थियो ।

कार्यक्रम संयोजक जेसि कृष्ण प्रसाद पोख्रेलको स्वागत मन्तव्यबाट शुरु भएको कार्यक्रममा आस्थापाठ जेसि बिनोद भण्डारीले गरेका थिए भने कार्यक्रमको सहजीकरण बर्ष २०२१ का महासचिव जेसि दामोदर न्यौपानेले गरेका थिए ।