२०८० चैत्र ६ गते मङ्गलवार
२०८० चैत्र ६ गते मङ्गलवार

दाङमा मन्त्री चौधरीलाई स्वागत तथा सम्मान

लुम्बिनी प्रदेशका ग्रामिण तथा सहरी विकास मन्त्री डिल्ली बहादुर चौधरीलाई दाङका विभिन्न स्थानमा स्वागत तथा सम्मान गरिएको छ । दाङको देउखुरी र तुलसीपुरमा स्वागत तथा सम्मान गरिएको हो । स्वागत तथा सम्मान कार्यक्रममा बोल्दै मन्त्री चौधरीले तयारी नगरी दाङमा मन्त्रालय सार्दा प्रशासनिक कार्यमा समस्या भएको बताएका छन् । सञ्चार माध्यममा दाङ आएको मन्त्रालय फेरी बुटवल फर्कियो भनेर समाचार आएको भन्दै उनले मन्त्रालयको कामकारबाही सोहि मन्त्रालयबाट भैरहेको र सबै तयारी नभएकै कारण बुटवल आउजाउ गर्नु परेको बताए ।
अघिल्लो सरकारले सस्तो लोकप्रियताका लागि कुनै तयारि नगरी मन्त्रालय दाङ ल्याउँदा सेवा प्रवाहमा समस्या आएको उनको आरोप छ ।