२०८१ असार ७ गते बिहिवार
२०८१ असार ७ गते बिहिवार

फार्म भित्र पसेर चितुवाले ६ वटा बाख्रा मा¥यो

फाईल तस्वीर

कञ्चनपुरमा चितुवाले बाख्रा फार्म भित्र पसेर ६ वटा बाख्रा आक्रमण गरी मारेको छ ।
बेदकोट नगरपालिका ९ सुन्दरपुरका जयसिंह धामीको फार्ममा रहेका ६ वटा बाख्रा चितुवाले आक्रण गरी मारेको हो ।
शुक्लाफाँटा राष्ट्रिय निकुञ्जबाट गए राति बस्ती छिरेको चितुवाले फार्ममा रहेका बाख्रा मारेको हो । व्यावसायिक रुपमा फार्म सञ्चालन गर्दै आएका धामीले चितुवाले बाख्रा मार्दा एक लाख २५ हजार बढीको नोक्सानी भएको बताए ।

मारिएका बाख्रामध्ये तीन बाख्रा ब्याउने अवस्थाका थिए । छ लाख लगानी गरी धामीले फार्ममा बङ्गुर र बाख्रापालन गर्दै आएका छन् । फार्ममा पालिएका २० बङ्गुर भने सकुशल रहेका छन् । केही महीनाअघि समेत चितुवाले खोरबाट स्थानीय बासिन्दाका बाख्रा मारेर खाएको थियो ।

चितुवा बस्तीमै छिर्न थालेपछि यस क्षेत्रका बासिन्दा निकै चिन्तित भएका छन् । चितुवाले बाख्रा मारेपछि निकुञ्ज कार्यालय र प्रहरीलाई खबर गरिएको धामीले बताए ।