तुलसीपुरमा ईट्टालाई सुन भनि झुक्याउन खोजेको आरोपमा पाँच जना पक्राउ

दाङको तुलसीपुरमा ईट्टालाई सुन भनि झुक्याउन खोजेको आरोपमा पाँच जना पक्राउ परेका छन्। पक्राउ पर्नेहरुमा राजपुर गाउँपालिका वडा नम्बर ६ खांग्रानाका बस्ने २६ वर्षीय राजकुमार बुढा,सोहि ठाउँ बस्ने २४ वर्षीय प्रकाश खड्का,दार्चुला ब्यास गाउँपालिका २ बस्ने २३ वर्षीय सुरेन्द्र सिंह धामी रहेका छन ।

यस्तै सल्यानको शारदा नगरपालिका १ बस्ने ४९ वर्षीया सावित्रा बुढाथोकी र सोहि जिल्ला कुमाख गाउँपालिका १ बस्ने ३० बर्षिया गीता बुढा रहेको जिल्ला प्रहरी कार्यालय दाङका प्रहरी नायव उपरीक्षक मुकुन्द प्रसाद रिजालले जानकारी दिनुभयो ।गएराती ९ बजे तुलसीपुर उपमहानगरपालिका ६ स्थित एकान्त होटलमा अवैध सुन बिक्रि वितरण भईरहेको भन्ने गोप्य सुचनाको आधारमा खटिएको प्रहरीको टोलीले उनीहरुलाई पक्राउ गरेको हो ।

उनिहरुको साथबाट जेब्रा झोला भित्र लुकाई राखेको माटोको दुई वटा पक्कि ईट्टा र सुन जस्तो देखिने धातुको टुक्रा १ थान बरामद गरेको प्रहरीले बताएको छ । उनीहरुलाई नियन्त्रणमा लिएर आवस्यक अनुसन्धान भईरहेको प्रहरीले जानकारी दिएको छ ।