२०८० चैत्र १६ गते शुक्रवार
२०८० चैत्र १६ गते शुक्रवार

रासायनिक मल वितरण र भाडा समायोजनको माग गर्दै ज्ञापन पत्र

रासायनिक मल वितरण र भाडा समायोजनको माग गर्दै नेकपा एमाले बबईले ज्ञापन पत्र बुझाएको छ । नेकपा एमाले बबई गाउँ कमिटीले बबई गाउँपालिका अध्यक्ष कुल वहादुर खत्रीलाई ज्ञापन पत्र बुझाएको हो ।

सहकारी मार्फत् रासायनिक मल बितरण हुनुपर्ने नभएको भन्दै नियमन गर्ने स्थानीय सरकारलाई ज्ञापन पत्र बुझाएको नेकपा एमाले बबईका अध्यक्ष टंकराज बिश्वकर्माले जानकारी दिनुभयो । सहकारीले मल बितरण गर्न नपाउने तर ब्यक्तिगत र ब्यबसायीले घर/घरमा पुगेर मल बिक्री गरीरहेको कार्यप्रति गम्भीर ध्यानाकर्षण भएको उल्लेख गर्दै अध्यक्ष बिश्वकर्माले गाउँपालिकालाई ध्यानाकर्षण गराएको जानकारी दिनुभयो ।

मल ल्याउनका लागि गाउँपालिकाले कुनै पहल नगरेको जनाउँदै दुई बुदे ज्ञापन पत्र बुझाएको नेकपा एमाले बबईका सचिब डम्बरबहादुर सिरिस मगरले जानकारी दिनुभएको छ । जनताको मागलाई ध्यानमा राख्दै ज्ञापन पत्र बुझाएको सचिब मगरले जानकारी दिनुभएको छ ।

नेकपा एमाले बबईले मल आपुर्तिमा सहज गराउन तथा पेट्रोलियम पदार्थको बृद्धिका कारण भाडा बृद्धि भएको जनाउँदै यातायात सेवा प्रदायक सस्थासंग छलफल र समन्वय गरी भाडा समायोजनका लागि पहल गर्न ज्ञापन पत्रमा उल्लेख गरिएको छ । ज्ञापन पत्र बुझाउन नेकपा एमालेका अध्यक्ष टंकराज बिश्वकर्मा, सचिब डम्बरबहादुर सिरिस मगरको नेतृत्वमा गाउँपालिका पुगेको थियो ।

ज्ञापन पत्र बुझ्दै गाउँपालिकाका अध्यक्ष कुलबहादुर खत्रीले मल र पेट्रोलियम पदार्थको समस्या राष्ट्रिय रुपमा रहेको बताउँदै सहकारीले सरकारले उपलब्ध गराउने मल ल्याउने सर्तमा सिफारिस दिने भनिएको बताउँनुभएको थियो । जनताको पक्षमा आफु पनि भएको बताउँदै अध्यक्ष खत्रीले मल ल्याउन र भाडा समायोजनका लागि पहल गर्ने बताउनुभयो ।