रगैंजामा मोटरसाइकलले ठक्कर दिँदा एक किशोरी घाइते

पश्चिमदाङको रगैंजा बजारमा मोटरसाइकलले ठक्कर दिँदा एक किशोरी घाइते भएकी छन् । आज मंगलबार साँझ पाँच बजे तिर शान्तिनगर – ५ रगैंजा बजारमा लु ७७ प ९०४५ नम्बरको मोटरसाइकले ठक्कर दिँदा शान्तिनगर – ५ ढोरेनी निवासी १७ बर्षिया रजनी चौधरी घाइते भएको इलाका प्रहरी कार्यालय खिलतपुरका प्रमुख मान वहादुर विसीले जानकारी दिनुभयो । घाइते किशोरीको  राप्ती प्रादेशिक अस्पताल तुलसीपुरमा उपचार भइरहेको छ । ठक्कर दिने मोटरसाइकल  र चालक बबई ७ चौपारी निवासी २२ बर्षीय चित्र वहादुर बुढाथोकीलाई इलाका प्रहरी कार्यालय खिलतपुरले नियन्त्रणमा लिएको छ ।