तुलसीपुरमा मोटरसाइकल दुर्घटना हुँदा एक जना घाइते

दाङको तुलसीपुरमा मोटरसाइकल दुर्घटना हुँदा एक जना घाइते भएका छन् । तुलसीपुर उपमहानगरपालिका ११ बेलगनारबाट तुलसीपुरतर्फ आउदै गरेको रा ५ प ५७४४ नं. को मोटरसाइकल आज दिउसो पौने १ बजेतिर अनियन्त्रित भई दुर्घटना हँदा मोटरसाइकलको पछाडी सवार दंगीशरण गाउँपालिका –४ निवासी ४० वर्षिया धन कुमारी वली घाइते भएकाे इलाका प्रहरी कार्यालय तुलसीपुरले जनाएको छ ।

घाइतेको टाउको र हातमा गहिरो चोट लागेको इलाका प्रहरी कार्यालय तुलसीपुर प्रहरी निरीक्षक पर्वत केसीले दिनुभयाे । घाइतेको राप्ति प्रदेशिक अस्पताल तुलसीपुरमा उपचार भईरहेको छ । मोटरसाईकल चालक तुलसीपुर उपमहानगरपालिका ६ निवासी ३१ वर्षका बिनोद डिसीलाई प्रहरीले नियन्त्रणमा लिएकाे छ ।