जन्मदिनमा युवा नेता तथा सामाजिक अभियान्ता क्षेत्रीद्धारा बालकको उपचारमा सहयोग

पश्चिमदाङका युवा नेता तथा सामाजिक अभियान्ता झुपु क्षेत्रीले जन्मदिनमा एक बालकको उपचारका लागि सहयोग गरेका छन् । नेपाली कांग्रेस बबई ४ का सभापति क्षेत्रीले आफ्नो जन्मदिनको अवसरमा ६ हजार एक सय रुपैयाँ शान्तिनगर गाउँपालिका वडा नं. १ बसबिसौनीका १४ बर्षीय हेमन्त रोकाकोे उपचारमा आर्थिक सहयोग गरेका हुन् । केहि दिन अघि छहरा अनलाइनमा प्रकाशित ‘१४ बर्षीय हेमन्तको उपचारमा सहयोग गरिदिन अपिल’ समाचार हेरेर युवा नेता क्षेत्रीले बालकको घरमै गएर सहयोग गरेका हुन् ।

छहरा अनलाइनका अध्यक्षका समेत रहेका क्षेत्रीले जन्मदिनमा फजुल खर्च गर्नु भन्दा बालकको उपचारमा टेवा पुगोस भन्ने उद्येश्यले सहयोग गरेको बताउनुभयो । क्षेत्रीले राजनितिक तथा सामाजिक काम सहित विभिन्न व्यक्तिको उपचारमा सहयोग रकम जम्मा गरिदिएर उपचारको व्यवस्था समेत गर्दै आएका छन् । हेमन्त विगत १ बर्ष देखि रोगबाट पिडित हुदैं आएका छन् ।
विभिन्न अस्पतालमा उपचार गराएतापनि उनको रोग अझै पत्ता लाग्न सकेको छैन् । उपचार गराउँदा गराउँदै भएको रकम सकिएको र रकम अभावमा उपचार समस्या परेको भन्दै परिवारले सहयोगका लागि सबैमा अपिल गरेको छ । सहयोग गर्नुहुने सहयोगीमनले गिता रोकाको नाममा रहेको कुमारी बैंक खाता नं. 1520094777100001 मा जम्मा गरिदिन आग्रह गरिएको छ ।