दाङको शान्तिनगर गाउँपालिकामा फागुन ११ गते देखि हात्तिपाइले राेग विरूद्धको औषधी सेवन अभियान सुरू हुदैछ । राष्ट्रिय अभियान अन्तर्गत शान्तिनगर गाउँपालिकामा पनि फागुन ११ गते देखि हात्तिपाइले राेग विरूद्धको आम औषधी सेवन अभियान सुरू हुन लागेको हो । हात्तिपाइले रोगबाट बच्नका लागि औषधी सेवन गर्न पालिका अध्यक्ष प्रमोद बस्नेतले शान्तिनगरबासी सबैमा आग्रह गर्नु भएको छ । राष्ट्रिय अभियानमा सबै सरिक हुन अध्यक्ष बस्नेतले सबैमा आग्रह गर्नु भयो ।
हात्तिपाइले रोग लागेका मानिसलाई अशक्त, अपाङ्ग र कुरुप बनाउने भएकाले यस रोगबाट बच्न औषधी सेवनले गर्नुपर्ने शान्तिनगर स्वास्थ्य शाखा प्रमुख हरी पुनले आग्रह गर्नु भएको छ । यो रोगबाट बच्न औषधी सेवन गर्नुपर्ने भएकाले ढुक्क भएर औषधी सेवन गर्न प्रमुख पुनले आग्रह गर्नु भयो । कसै कसैलाई औषधी सेवन पश्चात सामान्य असर भएपनि आफै निको भएर जाने गर्दछ ।