बबईमा अन्तर मा.वि. स्तरीय खेलकुद प्रतियोगिता सम्पन्न

दाङको बबई गाउँपालिकामा ७३ ओैं राष्ट्रिय प्रजातन्त्र दिवसको अवसरमा तिन दिने अन्तर माध्यमिक विद्यालय स्तरीय खेलकुद प्रतियोगिता सम्पन्न भएको छ । बबई गाउँपालिककाको शिक्षा युवा तथा खेलकुद शाखाको अयोजनामा गत फागुन ७ गतेदेखी हापुरेको जनकल्याण माध्यामिक बिद्यालय हापुरे भएको प्रतियोगीताको मंगलबार एक कार्यक्रमका बिच समापन गरीएको हो ।

विभिन्न विधामा सम्पन्न खेलकुद प्रतियाेगिताकाे विजेतालाई पुरस्कार वितरण गरिएकाे थियाे । खोको छात्र तथा छात्रा तर्फ र फुटबल छात्र तर्फ गरी २ वटा प्रतियोगिता सञ्चालन भएको प्रतियोगितामा बबई गाउँपालिका भित्रका ८ वटा बिधालय सहभागीता रहेको थियो । प्रतियोगिता अन्तरगत खोको छात्रा तर्फ प्रथम स्थान जनकल्याण माबि पदमपुरले हासील गरेको छ । द्धितिय स्थान भानुभक्त मावि कौशिलापुरले हासिल गरेको छ । त्यस्तै खोको छात्र तर्फ प्रथम स्थान पुरन्धारा एभरेस्ट एकेडेमी र द्धितिय स्थान जनता मावी हंसपुरले हासिल गरेको छ । फुटबल तर्फ प्रथम स्थान जनकल्याण माबि पदमपुरले हात पारेको छ भने द्धितिय स्थान पिपुल्स ल्याण्ड बोर्डिङ स्कुल हापुरेले हासिल गरेको छ । प्रतियोगिता अन्तरगत फुटवल तर्फ प्रथम स्थान हासिल गर्न सफल टिमले ९ हजार रुपैयाँ नगत सहीत मेडल र प्रमाण पत्र हात पारेको छ भने द्धितिय स्थान हासिल गर्न सफल टिमले ५ हजार २ सय पचास रुपैयाँ सहित मेडल र प्रमाण पत्र हात पारेको छ । त्यस्तै खोको छात्र तथा छात्रा तर्फ प्रथम स्थान हासिल गर्न सफल टिमले हजार नगत सहीत मेडल र प्रमाण पत्र हात पारेको छ भने द्धितिय स्थान हासिल गर्न सफल टिमले ३ हजार ७ सय ५० रुपैयाँ नगत सहित मेडल र प्रमाण पत्र हात पारेको छ ।

बबई गाउँपालिका युवा तथा खेलकुद शाखा प्रमुख शिक्षा अधिकृत मोहनलाल दाहालको अध्यक्षता तथा पालिका अध्यक्ष कुल बहादुर खत्री क्षेत्रीकाे प्रमुख आतिथ्यतामा कार्यक्रम भएकाे हाे । कार्यक्रममा गाउँपालिका प्रवक्ता तथा वडा नं. ७ का वडा अध्यक्ष तिलकराम भण्डारी, वडा नं. ५ का अध्यक्ष हर्क बहादुर श्रीस मगर, बबई गाउँपालिका सामाजिक बिकास समिती संयोजक तथा वडा नम्बर ४ का वडाध्यक्ष टेक बहादुर वली लगायतकाले बोल्नुभएको थियो । कार्यक्रमकाे सहजिकरण बबई गाउँपालिका प्राविधिक साहयक रामचन्द्र वलीले गर्नुभएकाे थियाे ।