तुलसीपुरमा अटो पल्टिदा एक जनाको मृत्यु, एक जना घाइते

दाङको तुलसीपुरमा अटो पल्टिदा एक जनाको मृत्यु भएको छ भने एक जना घाइते भएका छन् ।  मृत्यु हुनेमा तुलसीपुर ३ दमारगाउँ निवासी ३६ वर्षीय केदार भण्डारी रहेको इलाका प्रहरी कार्यालय तुलसीपुरका प्रहरी निरीक्षक पर्वत केसीले जानकारी दिनुभयो ।

भण्डारीको कोहलपुरमा उपचारको क्रममा दिउसो पौने तीन बजे मृत्यु भएको प्रहरीले बताएको छ । अर्का घाइते तुलसीपुर  बेलुवा निवासी २५ वर्षका सन्तोष वलीको तुलसीपुरमै उपचार भइरहेको छ । तुलसीपुर ३ दमारगाउँबाट दोघरे तर्फ जाँदै गरेको रा १ ह ४०९९ नम्बरको अटो बिहान पौने ९ बजे दमारगाउँ नजिकै अनियन्त्रित भइ पल्टिंदा दुर्घटना भएको थियो ।