तुलसीपुरमा मोटरसाइकलको ठक्करबाट एक साइकलयात्री घाइते

दाङकाे तुलसीपुरमा मोटरसाइकलको ठक्करबाट एक साइकलयात्री घाइते भएका छन् । बिहीबार दिउँसो सवा १२ बजेतिर तुलसीपुर उपमहानगरपालिका-८ कृष्ण मन्दिर नजिकै तुलसीपुरबाट अश्वार तर्फ जाँदै गरेको रा ७ प ६५२५ नम्बरको मोटरसाइकलले साइकलयात्रीलाई ठक्कर दिएको हो ।

घाइते हुनेमा तुलसीपुर-८ दुधेना निवासी अमर केसीको छोरा १३ वर्षिय अमृत केसी रहेकाे इलाका प्रहरी कार्यालय तुलसीपुरले जानकारी दिएकाे छ ।
घाइते केसीको राप्ती प्रादेशिक अस्पताल तुलसीपुरमा उपचार भइरहेकाे छ । प्रहरीले मोटरसाइकल चालकलाई नियन्त्रणमा लिएकाे छ ।