चखौरा पिकनिकमा आउँदै गरेको बस दुर्घटना हुँदा ३० जना बढि घाइते

बर्दियाबाट दाङको चखौरा पिकनिकमा आउँदै गरेको बस दुर्घटना हुँदा ३० जना बढि घाइते भएका छन् । बर्दियाको बढैयाताल गाउँपालिका वडा नम्बर ६ मैनापोखरको पिपरहवा कृषक समुह दाङको दंगिशरण गाउँपालिका वडा नम्बर ३ मा रहेको चखौरा संग्रालयमा पिकनिकका लागि आउँदै गरैको भे १ ख २०४१ नम्बरको बस अमिलिया–तुलसीपुर सडकखण्ड अन्तर्गत तुलसीपुर १३ दमारगाउँ बनको उकालोमा आज बिहान दुर्घटना भएको ईलाका प्रहरी कार्यालय तुलसीपुरले जानकारी दिएको छ ।
घाईतेलाई उद्धार गरी उपचारका लागि तुलसीपुर र नेपालगञ्ज पठाइएको छ । बसमा ४० जना सवार रहेका थिए ।
बसको बे्रक फेल भएर दुर्घटनामा परेको बताइएको छ । बस सडकको नालातिर गएकाले पनि ठुलो मानविय क्षति नभएको प्रहरीले जनाएको छ ।