अन्तर विद्यालय सक्रिय फुटसल प्रतियोगिताको फाइनलमा गुरुजजुर र तुल्सी

दाङको तुलसीपुरमा जारी जिल्ला स्तरीय अन्तर विद्यालय सक्रिय फुटसल प्रतियोगिताको फाइनलमा गुरुजजुर सेकेण्डरी स्कुल र तुल्सी सेकेण्डरी स्कुल पुगेका छन् । हिजो आइतवारबाट जारी खेलमा १६ टिमको सहभागिता रहेकोमा गुरुजजुर सेकेण्डरी स्कुल र तुल्सी सेकेण्डरी स्कुल फाइनलमा पुग्न सफल भएको कार्यक्रम संयोजक निशान डाँगीले जानकारी दिनुभयो । फाइनल खेल भोली मंगलबार दिउँसो १२ बजेबाट सुरु हुने कार्यक्रम संयोजक डाँगीले बताउनुभयो । सक्रिय युवा क्लव बबई – ७ दाङको आयोजनामा आइतवार देखि फुटसल प्रतियोगिता सुरु भएको हो । फुटप्रतियोगितामा जिल्ला भरका विद्यालयबाट विद्यार्थीहरुको सहभागिता रहेको थियो । खेलमा प्रथम हुनेलाई रु ५० हजार नगद, ट्रफी, प्रमाण पत्र, मेडल र द्धितिय हुनेलाई रु २५ हजार नगद, ट्रफी, प्रमाण पत्र, मेडल पाउने छन् ।