पश्चिमदाङमा पोखरीमा डुबेर एक बृद्धाको मृत्यु

पश्चिमदाङमा पोखरीमा डुबेर एक बृद्धाको मृत्यु भएको छ । बबई गाउँपालिका वडा नं.१ जिला बालुबा भन्ने ठाउँमा पोखरीमा डुबेको अवस्थामा अन्दाजी ७२ बर्षीया पूर्णकली कुमालको शव फेला परेको ईलाका प्रहरी कार्यालय खिलतपुरका प्रहरी निरीक्षक (प्रमुख) अजय जंग थापाले जानकारी दिनुभयो ।

शव सडेगलेको अवस्थामा फेला परेको प्रहरी निरीक्षक थापाले बताउनुभयो । उहाँका अनुसार करिब ५/६ दिन अगाडि पोखरीमा डुबेर मृत्यु भएको हुने सक्ने अनुमान गरिएको छ । पोखरीमा कुमालको शव डुबेको अवस्थामा स्थानीयले फेला पारेपछि प्रहरीलाई खवर गरेका थिए । हिजो बिहीबार राती ८ बजे प्रहरीले खवर पाएपछि ईलाका प्रहरी कार्यालय खिलतपुरका प्रहरी निरीक्षक थापाको टोली शव भएको ठाउँमा करिब विहान १ बजे पुगेको थियो । घर सल्यान भएको र सो गाउँमा काइली छोरी भविसार बोटेको घरमा आएको बेला पोखरीमा डुबेर मृत्यु भएको प्रहरीले जनाएको छ ।  शवको पोष्टमार्टमका लागि राप्ती प्रादेशिक अस्पताल तुलसीपुर लगिएको छ ।