सल्यानमा आगलागी हुँँदा एक घर जलेर पूर्ण रुपमा नष्ट

फाइल तस्वीर

सल्यानमा आगलागी हुँँदा एक घर जलेर पूर्ण रुपमा नष्ट भएको छ । जिल्लाको छत्रेश्वरी गाउँपालिका ५ सातामारेका ५२ वर्षीय कासिराम वलीको घर जलेर नष्ट भएको हो ।

शुक्रबार बिहान घर नजिकै फोहोर जलाउने क्रममा हावा लाग्दा आगोको झिल्काले खानेघरमा टिप्दा आगलागी भएको छत्रेश्वरी गाउँपालिका ५ का वडाध्यक्ष फौद बहादुर बस्नेतले जानकारी दिनु भयो । आगलागी हुँदा घर भित्र रहेका अन्तपात, लत्ताकपडा जलेर नष्ट भएको उहाँको भनाई छ ।

स्थानीयको सक्रियतामा आगो नियन्त्रणमा आएपनि घरभित्रका कुनै सामान बचाउन नसकिएको उहाँको भनाई छ । आगलागीबाट दुई लाख बढीको क्षति भएको उहाँले बताउनु भयो । वली एक्लै घरमा बस्दै आइरहनु भएको थियो ।