मिडवेस्ट प्वाइन्ट एकेडेमीका (NCC Cadets) विद्यार्थीद्धारा शिवालयमा सरसफाई

दाङ शान्तिनगर – ७ खैरेनी स्थित मिडवेस्ट एकेडेमीका राष्टिय सेवा दलका क्याडेट (NCC Cadets) समूहका विद्यार्थीद्धारा महाशिवरात्रीको पूर्वसन्ध्यामा पश्चिमदाङका विभिन्न शिवालय मन्दिरमा सरसफाई गरेका छन् । राष्टिय सेवा दलका क्याडेट (NCC Cadets) समूहका टिम क्याप्टेन करुणा डाँगीको नेतृत्वमा बबई – ६ स्थित चिसापानी शिवालय मन्दिर, दंगिशरण गाउँपालिका – ६ बाँका शिवालय मन्दिर, तुलसीपुर उपमहानगरपालिका वडा नं. २ मिरौली स्थित शिवालय मन्दिरमा झाँडि सरसफार्ई तथा मन्दिर वरपर रहेको फोहोर सरसफाई गरेका हुन् । स्थानिय स्तरमा रहेका मठ मन्दिरहरुको संरक्षण र सम्बर्धनमा विद्यार्थी, जनता, स्थानीय सरकारले विशेष ध्यान दिनुपर्ने क्याप्टेन डाँगीले बताउनुभयो । सरसफाई कार्यक्रममा विद्यालय शिक्षक तथा राष्टिय सेवा दलका क्याडेट (NCC Cadets) समूहका ३६ जना विद्यार्थीहरुको सहभागिता रहेको थियो ।