दाङमा करेन्ट लागेर एकै घरका दुई जनाको मृत्यु, एक जना गम्भिर घाइते

दाङमा करेन्ट लागेर एकै घरका दुई जनाको मृत्यु भएको छ भने एक जना गम्भिर घाइते भएका छन्। राप्ती गाउँपालिका– ३ मसुरियामा बिजुलीको तार चुडिएर करेन्ट लाग्दा घरमा बसेका दुई जनाको मृत्यु भएको छ भने एक जना गम्भीर घाइते भएका छन्। मृत्यु हुनेमा ५५ वर्षीय दिलसरा केसी र उनका ४ वर्षीय नाती कृष केसी रहेको जिल्ला प्रहरी कार्यालय दाङले जानकारी दिएको छ ।

करेन्ट लाग्दा दिलसराका श्रीमान ६० बर्षीय गोरखबहादुर केसी गम्भीर घाइते भएका छन्। उनलाई थप उपचारका लागि बुटवल लगिएको छ। उनीहरु तीनै जना घरको आगनमा बसेका थिए। शनिबार दिउँसो साढे २ बजेतिर एक्कासी घरमाथि रहेको बिजुलीको तार चुँडिएर तीन जनालाई छोएको प्रहरीले जनाएको छ।