जेष्ठ नागरिकलाई झुल र छाता बितरण

दाङको बबई गाउँपालिकाकाे वडा नम्बर ५ मा जेष्ठ नागरिकहरुलाई झुल र छाता बितरण गरिएको छ। जेष्ठ नागरिक सम्मान कार्यक्रम अन्तर्गत वडाका ७५ बर्ष माथिका १ सय १० जनालाई झुल र छाता बितरण गरिएको वडा नम्बर ५ का वडा सचिव लक्ष्मी भण्डारीले जानकारी दिनुभएकाे छ।

वडाकाे आर्थिक बर्ष २०८०/८१ काे वजेट अन्तरगत १ लाख रुपैयाँको बजेटमा वडाका ७५ बर्ष माथिका जेष्ठ नागरिकलाई वडा कार्यालययमा एक कार्यक्रमका बिच सम्मान स्वरुप झुल र छाता बितरण गरिएको बताउदै वढाध्यक्ष हर्कबहादुर श्रीसले गर्मीमा छाता र झुल दुवै जेष्ठ नागरिकका लागी प्रभावकारी हुने बताउनुभयो ।

वडाध्यक्ष श्रीसकाे अध्यक्षतामा सम्पन्न कार्यक्रममा बबई गउँपालिकाका कार्यपालिका सदस्य नाेखी डाँगी, वडा सदस्यहरु रुपेश गाहा मगर र भिम बहादुर खड्का लगायतको उपस्थित रहेको थियाे । वडा सरकारले सम्मान गर्दा जेष्ठ नागरिक खुसि भएका छन्।