राजपुरका आगलागी पीडितकाघर टहरा बनाउदै विप्लवका कार्यकर्ता

नेत्रविक्रम चन्द (विप्लव) नेतृत्वको नेपाल कम्युनिस्ट पार्टी दाङले राजपुरका आगलागी पीडित सर्वसाधारणका घर टहरा बनाउन कार्यकर्ता खटाएको छ । बुधबारदेखि तीन दिनसम्म २५ जना कार्यकर्ता अग्नी पीडितका घर टहरा निर्माणका लागि खटिने भएका छन् ।

नेकपाका केन्द्रीय सदस्य एवं दाङ जिल्ला इन्चार्ज सविनले निस्वार्थ रुपमा जनताको सेवा गर्न आग्रह गरे । उनले राजनीति जनताको सेवाका लागि हुनुपर्ने बताएका थिए ।

श्रम शिविरमा लमही , घोराही , तुलसीपुर र शान्तिनगरबाट करिव २५ जना नेता कार्यकर्ता सहभागी हुने छन् । नेकपा दाङले राजपुर – ७ हाटवासका आगलागी पीडितका लागि नगद राहत २८ हजार पाँच सय रुपैँया हस्तान्तरण गरि सकेको छ ।